სალაშქრო ბილიკი სოფელი ზედა ლუხვანოდან კურორტ ახალჭალამდე, რომელიც გრძელდება ცეკურის მთის გავლით და ეშვება სოფელ ქულბაქში, მოლაშქრეებს სთავაზობს მრავალფეროვან მოგზაურობას ტყით დაფარულ მთებზე, ქედებსა და ლეჩხუმის მშვიდ ბუნებაში. ბილიკი იწყება სოფელ ზედა ლუხვანოში, მიუყვება ფართოფოთლოვან ტყეებსა და ადგილობრივი ფერმერების მიერ სეზონური საძოვრებისკენ გაკვალულ ბილიკებს.

ახალჭალის ტერიტორიაზე მოლაშქრეები უფრო ღია ლანდშაფტში შედიან, რომელიც მდელოებითა და პანორამული ადგილებით ხასიათდება. შემდეგ მარშრუტი გრძელდება ცეკურის მთისკენ, რომელიც თვალწარმტაცი მაღალი წერტილია და ლეჩხუმის მიმდებარე ხეობებისა და ტყით დაფარული ფერდობების ფართო ხედებს სთავაზობს მოლაშქრეებს. მიუხედავად იმისა, რომ აღმართი ძალიან ციცაბო არ არის, ის კარგ ფიზიკურ მომზადებას მოითხოვს. ქედის მონაკვეთები განსაკუთრებით სასიამოვნო ხედებით ხასიათდება, განსაკუთრებით გვიან გაზაფხულზე და ადრეულ შემოდგომაზე, როდესაც ხილვადობა საუკეთესოა.

ცეკურის მთიდან ბილიკი თანდათან ეშვება სოფელი ქულბაქისკენ, გადის ტყიან რელიეფსა და ღია საძოვრებს. ქულბაქის მახლობლად მდებარეობს ცნობილი ქულბაქის ტბები (მწვანე ტბა და ბაბუშკინო), ზღვის დონიდან 955 და 990 მეტრზე. 

ბილიკი შესფერისია ისეთი მოლაშქრეებისთვის, რომლებსაც სურთ საშუალო სირთულის და იმავდროულად, მრავალფეროვანი გამოცდილების მიღევა. ეს მარშრუტი სამდღიანია და ღამისთევა შესაძლებელია კარავში.